" نحن قوماً إذا ضحكوا قالوا خيراً اللهم اجعله خير "

صحيح الكلام ده ؟؟؟؟؟

في نسبة لا بأس بها بتؤكد صحة هذه المقولة  

طب يا ترى بنعمل كده ليه ؟؟؟؟

خايفين من بكره مثلاً ؟؟؟؟؟ خايفين من الحسد ؟؟؟؟؟؟ و اللا مش مصدقين نفسنا

أيا كان السبب الحقيقة ده موضوع كبيييييير و المفروض مناقشته بإستفاضه فيما بعد  

لكن يا ترى هذه المقولة تنطبق على حال المتضررين من التأمين الصحي في بلادنا ؟؟؟؟؟؟؟

و الله ده كان رأى احد الأطباء المعالجين هناك لمّا عرضت عليه  

انى أتطوع لمساعدتهم بالجهد في يوم الأجازة اللى عندي ..

عرضت عليه كده ليه ؟؟؟؟!!!؟؟؟  

عشان شفت هناك و انا بخلص أوراق شخصيه شفت ناس خنقها الروتين عمّالين يلففوهم رايح جاى من جهه لجهه و من دور لدور و يوم يجر أسبوع في أسبوعين في شهر ميضرش

و في الأصل المفروض إن دول مرضي منهم اللي مش عارف يقف على رجليه 5 دقائق على بعض و كمان المفروض يعني إنهم بيلجأوا للتأمين لتوفير نفقات العلاج الخاص و الاستفاده من خدمة الدولة يعني حرام لمّا اللى بيوفروه يروح في المواصلات و تبقى هي هي لمجرد إن محدش فاضي يفهمهم بالراحة و يديهم الطلبات على بعضها 

و طبعاً الأطباء و الموظفين هناك ربنا يكون في عونهم مخنوقين آخر حاجه

و مش طايقين الهواء يلمس طرف أنوفهم

بيجاوبوا بعنف و استسخاف و أحيانا بعصبيه و اساءه بالذات مع البسطاء أصحاب المهن البسيطة والقرويين

و للامانه ساعات كتير برده بيطولوا بالهم بس في الواقع همّ فاكرين كده

فاكرين يعني أنهم بيطولوا بالهم بينما همّ ساعتها بيكونوا برده بيردوا بشكل غير لائق على ناس مينفعش نرد عليهم كده زي كبار السن و السيدات

بس همّ مش حاسين إنهم بيعلموا كده ..همّ بيردوا كده اتوماتيك من غير ما يأخذوا بالهم من كتر ما بيقولوا الكلام ده كل يوم و لمدة سنيين كتير من عمرهم

المهم انى اكتشفت ان الطرفين دول محتاجين همزة وصل بينهم و بين بعض ..الهمزة دي عبارة عن شباب متطوعين ...يكونوا لمّاحين للفهم السريع لكل المعلومات المختصرة و الناقصة أحيانا التي يقولها الأطباء و الموظفين و بالهم طوييل عشان يفهموا المريض بالبطء اللى هو محتاجه ..و قبل هذا و ذاك تكون في قلوبهم رحمة

الرحمة هي الطاقة الحقيقية اللى حتديهم فرصه للتواصل مع الطرفين بنجاح كامل

و طبعاً أنا لمّا عرضت على الدكتور انى أساعد و العب دور الحلقة المفقودة و همزة الوصل دي عشان أساعد الطرفين مكنتش واثقة انى يعني مستوفيه الشروط اللى حطيتها بس اضعف الإيمان قلت ححاول و ربنا يساعدنى

كمان كان نفسي يوافق عشان ننسق معاهم بشكل رسمي و اطلب من حضراتكم التطوع بالجهد لآداء هذه المهمه في اليوم الفاضي اللى تختاروه حضراتكم ونطلع كارنيهات باسم ( متطوعين ) عشان اما يشوفنا المريض يبقى عارف ان الناس دي حتساعده في اى خدمه يطلبها منهم

بس للأسف الدكتور فاجئنى و قال لى ان اللى انا عايزه اعمله ده معمول فعلاً عندهم و بيتقدم من خلال مكتب الخدمه الإجتماعيه الموجود في كل دور

قلت له طيب كويس يا دكتور امّال الناس اللى عماله تشتكى و تتخانق دي و حاجاتها لا تقضي بسهوله بيعملوا كده ليه؟؟؟؟؟؟  

فقال لى إحنا شعب غاوي يشتكي عمّال على بطّال لو نبطل شكوي و نعمل بنصف الوقت اللى بنضيعه في الشكوي و نتعب نفسنا شويه في مساعدة نفسنا مكانش ده بقى حالنا  

و الله كان كلام مهم اللى الدكتور قاله  

خلانى قلت في بالى طب ليه مكونش اول حد يستفيد من نصيحة الدكتور و بدل ما اضيع وقت حضراتكم و وقتى في قراءة مقاله اشتكى فيها من سوء معاملة التأمين الصحي للمواطنين  

طب ليه مستوضحش الأمر الأول بنفسي و اتأكد احنا شعب غاوي شكوي و بنتدلع و اللا الدكتور هو اللى مش واخد باله

عشان كده طلعت على مكتب الخدمه الإجتماعيه في كل الأدوار الكلام ده كان من 3 اسابيع فاتت و دخلتلهم و سألتهم بنفسي

و خلال هذه ال3 اسابيع الماضية ترددت عليهم عدد مرات لا بأس بها

و كونت نتيجه لا تقبل الشك ان الطرفين ما زالوا بحاجه لحد يلعب دور الحلقة المفقودة بين الموظفين و الأطباء بما فيهم موظفي الخدمة الإجتماعيه و بين المواطن المريض

و بدلاً من ان استعرض السلبيات الكتييييييير الواقعية و القصص التي رصدتها و أضيع وقتكم و وقتي في الشكوى

برده حعمل بنصيحة الدكتور و أكون عمليه و اطلب منكم التطوع برده في مستشفيات التأمين الصحي بشكل خاص و كل و اى مستشفى حكومي في بلدنا بشكل عام

حنتطوع إزاى ؟؟؟؟؟

حضرتك حتختار اى يوم فاضي عندك و تختار اقرب مستشفى لبيتك و اؤكد يا ريت التأمين الصحي عشان دي اكتر جهة بيخلصوا فيها اوراق و تروح هناك تقعد 10 دقائق عدد الزيارات : 289



مقالات ذات صلة :