تخيل بإنك في ضِل انكسار

وعايش في عُزلة وأزمة وحصار

وأبسط حاجاتك

فاقدها فى حياتك

ودايماً حالاتك

 فى أسوأ مسار

*

تخيل بإنك أساساً عزيز

ومُجبر تطاطى لـ حبة معيز

وتفضل تدادى

وتفضل مهادى

 وطيب وهادى

 وسهل ولذيذ

*

تخيل دموع العيال الصغار

بتنزل بتنزف بتحكى اللى صار

بتنده نيجى لهم

ناخد بالنا منهم

عشان دول يومينهم

 يدوبك قُصار

 *

تخيل  بيتهدْ بيتك عليك

وأهلك بتهلك شايفها بعينيك

وحالك ومالك

بينهار أُوبالك

وأشلاء عيالك

شايلها بإيديك

*

تخيل حياتك فى عتمة وضلام

وقايد شموعك فى قلب الحُطام

وبرد الليالى

وناسة وتسالى

وفيروس مثالى

 لـ هد العضام

*