هي طويلة و هو قصير ..هي تخينة و هو رفيع ..هي كبيرة و هو صغير

ايه الموضوع ده بالضبط

الموضوع أولا انى اكتشفت انى بقالى كتييييييييير قوى مكتبتش لحضراتكم بشكل جماعي..وحشوتنى يعني

يعني فينا نقول بادئ ذي بدء ....صباح الخير 

ثانياً بقى الموضوع ده اللى بطرحه اليوم في إلحاح شديد عليّا في كتابته من عام 2005 يعني
من 5 سنيين و كل ما كان يحصل موقف أمامي اقول بس هو ده الموقف اللى يستاهل ان الواحد يكتب الموضوع بسببه لكن تمر الأيام و أحس انه لسه شوية

لحد ما حصل موقف يوم السبت الماضي بقى الموافق 15/5/2010 مقدرتش بعده افضل ساكته

الحكاية و ما فيها انى في 2005 جت لى صديقه عمرها 35 سنه و تشكى من محبتها لشخص عمره 30... سنه بتستشيرني يعني هي غلط و اللا صح

مكانتش الوحيده اللى استشارتني و لكنها كانت اولهم و زي ما تقولوا كده أول الغيث قطره بعدها انهالت
الطلبات من صديقاتي و النداءات انى اكتب في الموضوع ده لإقناع أهاليهم اللي كانوا رافضين الأمر بشده 

بصراحه أيامها ضحكت ..تقريباً مكنتش وقتها عايشه معاكم ف البلد دي .. قلت لها انتى بتتكلمى في ايه و ايه علاقة أصلا السن بالزواج .

.يمكن كنت بقول لها كده بإستهتار ايامها لأنى انا شخصياً ليّا جده من جداتى تكبر في السن بضع سنوات عن جدي و جمعت بينهم قصة حب رائعه و عشرة سنوات طيبه و ابناء يفخر بهم المجتمع الآن و الحمد لله
كان هذا في زمن كانت البنت فيه لازم تكون اصغر من شريك الحياة بحوالى 15 سنه و اكثر

فكبرت و اتربيت على هذا الفكر اللى بيختار فيه شريكين الحياة بعضهما البعض بدون قيد او شرط لم  يشرعه الدين و غير مؤثر على تكوين الحياة نفسها و متطلبات كل فرد من الطرفين

طيب يا ترى أنا بتكلم هنا عن فرق السن بس ..لا و الله لو كان هذا فقط السبب مكنتش كتبت لأنه أتفه من إننا نتكلم فيه

و لكنى لاحظت مؤخراً ان هذه المعلومة مؤشر لوجود فجوة فظيعة في أفكارنا مصعبه جداً الحياة على الناس.

يمكن اللي خلاني أحس بهذا انى كنت يوم السبت الماضي في مكان جمع بالصدفة طرفي النقيض في قضيتي تلك

ففي ساعة واحده قابلت أشخاص يقومون بعمل دراسات و محاولات للتقريب ين وجهتي النظر بين الشباب و البنات لحل أزمة تأخر الزواج و ارتفاع نسبة الطلاق و بيحاولوا يا عيني يبحثوا في الأسئلة التي يسألها كل طرف للآخر ..نفسهم يا عيني يعلموا البنات متسألش عن ماهية وظيفة العريس و لا مستوي دخله و يعلموا الشباب انه ياخد باله من البنت الهادئة الطباع التي لا تلفت الانتباه ..الخ ..

مش عايزه احرق فكرة زملائي التي احترمها قطعاً و لكنى أدرك مع سماعها أين نحن من خريطة...الإنسانية

لأنهم بصراحه بيقولوا كلام غريب قوى عن بنت بتشترط على المتقدم انه يقدم لها مبلغ مالى معين و شاب مستخسر ف البنت طول الوقت و عمال يحسب الجوازه دي حتكلفه كام

حسيت بإكتئاب لمجرد التفكير انى مضطرة ادخل في كورسات و اعمل مشاريع تخرج عشان الاقي انسان ربنا كتبه ليّا و حيجي وقت ما ربنا يعوز 

و في نفس الوقت و نفس اليوم اللى سمعت فيه عن المشروع ده

اقابل ناس تخطت ال90 سنه و قادره تقف على مسرح و تغنى أغانى قديمه

و ناس عمرها 60 سنه و بتشارك الشباب في ندوات و تقول شعر و تقعد معاهم تحس بجمال الدنيا و بهجتها كلها ...لمّا يصطحبوك في جوله داخل حدائقهم الخضراء اللى زرعوها بإيديهم و تلاقي المدام واقفه برشاقه امام زوجها و حبيب عمرها و هو بيعزف مقطوعه موسيقيه على البيانو بتاعه في فلتهم المتواضعه اللى بنوها بإيديهم على التراز الشرقي

مفيهاش بهرجه و لا مغالاة ماديه و لكنها فقط تضمن لهم مساحة من الخصوصيه بدون ازعاج الجيران ..
هو وسيم رغم السنين و هي عينيها خضراء و شعرها ابيض يميل للصفرة التى تنبء كم كانت رائعة الجمال في شبابها و ما زالت

يتبادلان الكلمات الشعرية الرومانسية الهادئة على أنغام البيانو

قابلت ايضاً زوج واحده صديقتى و معاه كاميرا ..انت بتعمل ايه هنا ؟؟؟؟ ده كان سؤالى  .الإجابه بضحك بشتغل مخرج في احد القنوات الفضائية ....ايه ده انت غيرت مجال شغلكعدد الزيارات : 783



مقالات ذات صلة :