ما زالوا يطرقون ابوابنا           

 المحرر : منار ممدوح عقل



Knocking On The Door gift image 1 - search ID jlv0099



السلام عليكم و رحمة الله و بركاته

اهل الخير الكرام

ربما نحن لا ارادياً جميعاً يسيطر علينا فكر موحد مع ظروف و ازمات معينه

و ارى بصراحه ان الفكر السائد تجاه الجمعيات الخيريه بعد الأزمه

انها اصبحت تتلقى الملايين من التبرعات

و ان مشكلات المحتاجين و الضعفاء قد انتهت

و ان الأزمه اصبحت تتلخص فقط في الشنط الغذائيه التى تمطرون بها الجمعيات الشهيره فقط لتوزيعها في جميع اقطار البلاد

و اسمحوا لى اصدمكم و ابلغكم ان الثورة فجرت احتيجات البسطاء اكثر و اكثر

و اكتشفوا خلاص ان الشنطه و البطانيه و العيديه و حلاوة مولد النبى مش هي اللى حتحل لهم مشاكلهم

الناس دي اكتشفت خلاص انهم محتاجين صرف صحي ...محتاجين لبس نظيف ...محتاجين مكان نظيف يعيشوا فيه ...محتاجين يتعلموا ...محتاجين يشتلغوا بمرتبات آدميه ....الخ الإحتياجات الحقيقيه اللى همّ اكتشفوا انهام محتاجينها لحيوا حياة آدميه

و حصدمكم اكتر و اقول لكم رغم ان طبيعة احتياجات البسطاء اختلفت

اللا ان من بعد الثورة مجالناش اى تبرع

و حصدمكم اكتر و اكتر و اكتر لمّا تعرفوا ان صاحبة الشقه اللى مستأجرين منها الجمعيه رفعت الإيجار بعد تنحي الرئيس مباشرة

و الحقيقه بحكم انى مهندسه قعدت احاول اجيب اى معادلات رياضيه منطقيه تربط لى بين ثروات البلاد المنهوبه و التى تكتشفها الدولة يوماً بعد يوم و بيننا نحن في الجمعيه و كيف ان صاحبة الشقه توصلت لهذه النتيجه الرائعه 

فيبدو انها توقعت لا ادرى من اين اننا الوحيدين في مصر الذين حصلوا على حقهم من هذه الثروات

و الحقيقه ملاقيتش اى معادله منطقيه

على العموم مش مهم

اى حاجه مش مهمه اصلاً ...قدرنا كده

حنعترض يعني

بس المشكلة الحقيقه

هي انهم ما زالوا موجودين

ما زالوا احياء يرزقون

ما زالوا يطرقون ابوابنا

ما زالوا بإحتياج حقيقي لتبرعات حقيقيه من اجل سد دسونهم الكبيرة و من اجل لبس نظيف و علاج متكامل و سكن نظيف

ان مش بقول بحضراتكم اضغطوا على ظروفكم فجميع من بالبلد يعاني من ازمه حقيقيه

و لكنى فقط ارجوكم رجائين

الرجاء الأول تتخلوا عن فكرة الشنطه الغذائيه و انتم تتبرعون للجمعيات الكبيرة و تبتدوا تقترحوا عليهم في الجمعيات دي ان الفلوس تتوجه لحاجات اعمق تخدم الناس بجد

الرجاء التاني ..هو رجاء من الله اكثر من رجاء للبشر ...ارجو و ادعو يا رب نظرة للجمعيات الكتيييييييير اللى ف مصر محدش يعرف عنها حاجه ..لأنهم و لا بيدخلوا على انترنت و لا ليهم مواقع و لا معاهم فلوس يعملوا دعاية في التليفيزون و لا عندهم عماله كتير و امكانيات ضخمه ليجوبوا البلاد شرقاً و غرباً كما تفعل الجمعيات الثريه

لذلك ارجوكم ان تلتفوا لهؤلاء كي يستطيعوا بمساعدتكم ان يساعدوا الآخرين

في رجاء تالت خاص بيّا انا بقى او يعني بالجمعيه عندنا و بطلبه بمنتهى الخجل بس مضطرة

احنا محتاجين متطوعين بسياراتهم في الأوقات المتاحه لديهم و محتاجين كمان ملابس مستعمله او اى تبرعات عينيه تزيد عن احتياجات حضراتكم عشان في ناس محتاجه الحاجات دي من اسر اطفالهم مرضي وكمان عشان حاجات كتير ابقى اقولها لكم لمّا تطلبونا ان شاء الله

ارقام الجمعيه 0161763508

02/24721722

عنوان الجمعيه :- 85 مساكن التعاونيات الحي التامن - مدينة نصر

شكراً

مهندسه / منار عقل

جروب المنار الخيري - جمعية المقسطين الخيريه

اللهم اجعلنا خيراً مما يظنون و اغفر لنا ما لا يعلمون و ارحمنا يوم يبعثون 


عدد الزيارات : 215

Share

مقالات ذات صلة :
  • مقدمة

  • أما آن لموتى القبور أن يستيقظوا؟!!

  • الفرار

  • الجسد

  • العار

  • مباراة متوازنة جداااااااا

  • صدر الحكم يا سادة

  • الطير المهاجر

  • إنا لله وإنا إليه راجعون

  • يا رسول الله

  • خواطر من يوم أكتوبر

  • ترنيـمة الغربــاء

  • التجربة المخيفة _ الجزء الأول

  • التجربة المخيفة _ الجزء الثاني

  • دروب الوهم والأمل

  • شـــــذرات

  • مع كل رشفة صباحية

  • قصيدة الحب روض بابه الإخلاص

  • صاغها الفؤاد وقالها اللسان

  • رحلة إلى مدينة البالونات

  • الحب الحقيقى

  • أنـــا الفاتــنة

  • أين ذهب مذاق السكر ؟

  • عمر ذات الثالثة عشر عاما يدرس في الجامعة الأمريكية

  • قصيدة مثل أسلافهم

  • ذكرى موت القلوب

  • قصيدة إلى متى ؟؟

  • شاب عراقي يحل لغز أرقام برنولى

  • الـــــغــــراب

  • في موقف الأتوبيس

  • إرادة حديدية

  • القرش

  • تخيل

  • مستشفى 57357

  • امسك العصابة

  • ياريتنى أكون

  • الإرهابي

  • آه يا قلبي

  • هذه هي همة الصغار ... فأين منها همة الكبار؟

  • انا هى تلك الفتاة

  • مصر هتتغير بأيدينا.. تجربة رائعة لمواطنة مصرية

  • رجب و موسوعة جينيس

  • وصل صوتك مهما كانت الضغوط

  • رمضان بالمغرب

  • بأي جديد جئت يا عيد!!

    • المزيد.......
    التعليقات :

    الاسم
    البريد الالكتروني
    العنوان 
    التعليق