احتكار
احتكار
البلد فيها احتكار
والجشع بقي زي مهنة
والطمع بقي زي كـــــار
والنفــوس بيطـل منهـا
غِــــلْ بيطلـــع شــــرار
والفلــوس بشوية منها
تشتــري لـك نــاس كتـار
والمعــاني الحلوة راحـت
والأمــان غــيَّــــر مســـار
احتكار
احتكار
البلد فيها احتكار
طبقة فوق العـــز عايمة
طبقة تحت الصفر نايمة
والحكومة الحلوة صايمة
حتي عــن إصــدار قــــرار
سايبة كل شويـة تـاجــر
كان عديم الذمـة فـاجــر
جاي بقوت الناس يتاجر
جاي يــدوقــهــم مـــرار
يبتدي المشوار بخدعة
يحتكــر ويخبـي سلعـة
تغلي يبقي تمنها ولعـة
عشان يبيعها بسعر نار
احتكار
احتكار
مافيا جامدة وبلطجيـــة
ناهبة لاهبة الأرض دية
ماصَّـة دم الناس دا هية
بكــل حــرفــــة وباقتــدار
مافيا سرقـت خيـر بلدهـا
والفساد المـاشي فـادهــا
وامَّــا بان للناس فسادها
أحلي قرض وع المطـــار
وإوعي تسأل ع الرقـابـة
دي الرقابة آخر طيـابــــة
مين ه يمسك ع العصـابـة
قبــل مـــا تـبـلَّـــــغ فــــرار