وصل صوتك مهما كانت الضغوط

وصل صوتك ماتقولش انهارده عدى

ده بكرة حلم ملوش حدود

ماتقولش مش هقدر مش هعرف

ده انت الى زرعت القيود

رجع مجد أمتك وعيش حلمك وكإنه موجود

آمن بفكرك وأنشره ونور بيه الوجود

أتحدى الصعب وأوصل لحلمك ما الصعب أصل الوجود

والسهل سهل إنه يروح والسهل عمره ما هيكون له وجود

خلك أنت ما تكونش غيرك وأثر في الوجود

أتحلى بالصبر والعزم الأخلاق والإخلاص ده في دينا موجود

خدها كلمه وحافظ عليها ده إنهارده  وبكرة بس الى موجود

وامبارح عدى وولى ما قلت لك ده الزمن محدود

وصل صوتك مهما إتحجب ده الحق له حق الوجود

ما تفتكرش إنى ملاك أنا زى زيك بشر

بس الفرق بينى وبينك إنى مش بنكسر

سافرت  بين ملامح وشوفت وشوش البشر

عرفت إن ده خان وده غدر

وده تعدى على ولى نعمته وفي خصامه فجر

بس أتأكدت إن مهما غاب الحق  لابد له من يوم ينتصر

إسمعها منى وخدها كلمه من الاخر

بالحب  والقوة عيش وسامح

بالاخلاص والحكمه أنشر وصالح

بالقرب من رب العباد خليك صالح

وخليها حلقه في ودانك مهما الزمان خانك

كون أنت ما تكونش غيرك واوعى نجاحك يبقي سلمه لنجاح غيرك

بالامس بينى وبين نفسي

عهدت روحى  وعاهدت نفسي ما يعدى ابدا عليا يومى الا وواخد

درع واقى من يومى لحلمى ضد يئسي

هيجي يوم ويمشو ورايا وأقودهم بعلمى وربي معايا

ويفتكرو الى عملو قبل كده ويايا

واشكرهم انهم سهلوا لى أنى أوصل لنجوم سمايا

ما انا خدت كلامهم زى ما انا عايزة على هوايا

لانى آمنت إن مفيش صعب ولا حتى مستحيل الا في احلام العاجز العليل